Menningarnæturterta

María Krista er hér með girnilega uppskrift af tertunni sem allir verða að smakka.

Svamptertubotn:

 Einn pk ljóst kökumix Funksjonell

1 dl grísk jógúrt

1 dl vatn

1 dl olía

Hrærið og bakið í tveimur formum skv leiðbeiningum.

Einn flottur marenge toppur á tertu:

 2 eggjahvítur stofuhiti

3 msk Sukrin Melis

4 dropar vanillustevía

1/8 tsk cream of tartar

1/16 tsk salt



Hitið ofn í 120 gráður



Setjið bökunarpappír á plötur og ágætt að hafa plötuna á næstlægstu rim í ofninum.

Þeytið saman eggjahvítur, gott að nota glerskál eða stálskál, sukrin melis,

vanillu, cream of tartar og salt.

Þeytið vel eða þar til gljái er komin á blönduna og hún nokkuð stíf.

Sprautið marengeblöndunni í doppur,nokkuð þétt svo þær renni saman í ofninum,

ágætt að teikna passlegan hring á smjörpappírinn fyrst.

Má líka sprauta í aðskildar doppur til að fá marga litla marenge toppa. Fallegt ofan á muffins kökur.

Bakið í 20 mín á 120 gráðum. Svo má lækka hitann í 90 gráður og baka aðrar 20 mín.

Slökkvið á ofninum og leyfið marenge að stífna í 2 tíma eða lengur.

Kaffikrem á milli:

 80 gr smjörvi eða ísl smjör.

2 msk kakó

3 msk Sukrin Melis

5 dropar vanillustevía

1 msk instant kaffiduft

1/2 tsk xanthan gum



Hindberjasulta á milli botna:

 450 gr hindber (afþýdd eða fersk)

25 gr Sukrin Melis

20 dropar Stevía

1 tsk xanthan gum

Setjið allt nema xanthan gum í pott, hitið vel þar til berjablandan fer að malla, dreifið svo xanthan gumminu yfir og hrærið stöðugt í þar til sultan er hæfilega þykk 1-3 mín.

Hellið blöndunni í 2 góðar sultukrukkur og leyfið henni að kólna. Góð á vöfflur, í bakstur og margt fleira.

Bakið botnana, setjið sultu á milli, kaffikrem ofan á og svo einn pela af þeyttum rjóma.

Marengetoppurinn fer svo ofan á síðast og voila Menningarnæturterta.