DC Design var svo hrifið að stóru afturrými Nissan Versa að þeir töldu bílinn heppilegan til að breyta honum í eðalvagn þar sem aðeins betur færi um farþega en í óbreyttum bíl. Engar breytingar voru gerðar á ytra byrði bílsins og því má tæplega greina að þar fer lúxusbíll.
Að innan er bíllinn alsettur rauðu gullfallegu leðri og viðarinnsetningum. Í honum er kælir fyrir drykki, stór LCD skjár svo farþegum leiðist ekki hægur aksturinn og farþegasætið hefur verið flutt aftur svo teygja megi almennilega úr löppunum. Þessi bíll er kannski heppilegur fyrir þá kaupendur sem ekki vilja sýna öðrum ríkidæmi sitt.
DC Design hefur gert marga huggulega hluti fyrir þá sem efni hafi á þjónustu þeirra og má kynna sér nokkra konfektmola þeirra í myndskeiðinu hér að ofan, þó ekki Nissan Versa bílinn.
