Accord hafði Camry undir

Salan á Accord í apríl samsvarar 400.000 bíla árssölu.

Nú þegar bílar seljast eins og heitar lummur í Bandaríkjunum er gott að eiga söluháan bíl í þeim flokki bíla sem hvað best selst. Lengi hafa bílarnir Toyota Camry, Honda Accord og Nissan Altima barist um efsta sætið í sínum flokki og nú er reyndar einn bíll að auki orðinn söluhár þar, Ford Mondeo sem heitir reyndar Fusion þar vestra.

Nýjustu sölutölur fyrir apríl eru ljósar og hefur Honda Accord selst best, eða í 33.538 eintökum en Toyota Camry, sem haldið hefur þessum titli í mörg ár, seldist í 31.710 eintökum. Hraðast vex salan í bílunum Nissan Altima og Ford Mondeo og aldrei að vita hvort annarhvor þeirra nær titlinum fyrir árið í heild. Eitt er þó víst, sölutölurnar í þessum flokki er háar og sem dæmi er salan á þessari einu bílgerð Honda í þessu eina landi næstum jafn há og heildarsala Porsche bíla á fyrsta ársfjórðungi ársins.