Öryggisverðirnir stöðvuðu Basel

Stórskemmtileg uppákoma átti sér stað í viðureign Chelsea og Basel í undanúrslitum Evrópudeildarinnar í knattspyrnu á Stamford Bridge í kvöld.

Chelsea komst í 3-1 í síðari hálfleik og leiddi í einvíginu 5-2 samanlagt. Vonin var því orðin lítil hjá leikmönnum Basel sem gerðu þó allt hvað þeir gátu til að minnka muninn.

Eftir vel útfærða sókn þar sem Petr Cech varði hörkuskot Svisslendinganna bjó leikmaður liðsins sig undir að taka hornspyrnu. Kappinn gerði nokkrar tilraunir til aðhlaups en öryggisverðir í appelsínugulum vestum gengu ítrekað í veg fyrir kappann.

Að lokum gat leikurinn haldið áfram eftir þessa undarlegu uppákomu.