Tiger fór illa að ráði sínu

Tiger Woods er fjórum höggum á eftir efstu mönnum á Arnold Palmer boðsmótinu en annar hringurinn var leikinn í gær. Tiger endaði hringinn á þremur skollum og það kom honum í bobba.

Þeir Bill Haas og Justin Rose leiða mótið á níu höggum undir pari.

"Góðu fréttirnar eru að það á enn eftir að spila 36 holur. Ég á langt í land en það er vel hægt að vinna upp fjögurra högga forskot," sagði Tiger eftir hringinn.

"Ég get betur en ég sýndi í dag og það var svekkjandi að enda hringinn svona. Vonandi gengur þetta betur á næsta hring."