Hendrikka Waage sendir frá sér heimilislínu

Skartgripahönnuðurinn Hendrikka Waage hefur sent frá sér heimilislínu, púðalínurnar Menningarminja og Sóldán en hún hannaði einnig hálsfestar í stíl við Sóldán-línuna.

Menningarminja-púðar Hendrikku Waage er gerð úr íburðarmiklu flaueli og silki en innblásturinn að henni er mikilfengleiki breska heimsveldisins. Línan er gerð úr vönduðum efnum sem eru hönnuð til að prýða og bæta við heimilið.

Innblásturinn fyrir Sóldán-línuna fékk Hendrikka frá skrautlegum höfuðbúnaði soldána Ottóman-veldisins. Í línunni eru púðar og hálsfestar, frjálslega skreytt með skúfum sem kalla fram löngu liðinn tíma.

Púðarnir eru úr flaueli og silki í litríkum og margbrotnum mynstrum og er frágangurinn á hornunum á þeim í flæðandi brúskum. Hálsfestarnar hafa yfir sér ríkmannlegt yfirbragð og verða fáanlegar í mörgum litum og útgáfum og þekkjast á litríkum skúfunum sem fara vel við hönnun púðanna.

Soldánarnir réðu ríkjum í Ottóman-veldinu, Tyrklandi nútímans, og klæddust íburðarmiklum og skrautlegum skikkjum með miklum höfuðbúnaði og skrautlegum skúfum. Hendrikka Waage hefur nýtt sér það sem innblástur til að skapa íburðarmikla línu púða og hálsfesta fyrir heimilið.

Báðar línur Hendrikku Waage verða til sýnis í Atmo Laugavegi 91 á HönnunarMars dagana 14.-17. mars.