Litli bróðir í Madríd minnir á sig Kolbeinn Tumi Daðason skrifar 1. desember 2012 07:30 Það er pressa á Ronaldo og félögum. Atlético Madrid heimsækir Real Madrid í slagnum um Madrídarborg í kvöld. Diego Simeone hefur náð frábærum árangri á innan við ári sem stjóri Atlético en þrettán ár eru síðan Atlético lagði Real að velli. Nú er lag en Atlético er aldrei þessu vant aðalkeppinautur Real. Atlético situr í öðru sæti deildarinnar en þremur stigum munar á liðinu og Barcelona sem vermir toppsætið. Real Madrid situr átta stigum á eftir grannliðinu og ellefu á eftir Börsungum. Möguleikinn á að liðið verji Spánarmeistaratitil sinn er lítill sem enginn. Atlético hefur ekki unnið deildina síðan tímabilið 1995-1996. Þá voru nítján ár frá síðasta meistaratitli félagsins. Sama tímabil vann liðið spænska konungsbikarinn sem síðan hefur dvalið í verðlaunaskápum annarra félaga. Tímabilið sigursæla stjórnaði argentínskur miðjumaður ferðinni hjá Atlético. Leikmaðurinn, Diego Simeone, er í dag knattspyrnustjóri félagsins og nýtur hann skiljanlega mikilla vinsælda hjá stuðningsmönnum félagsins. Síðan þá hefur Atlético ekki hafnað fyrir ofan Real í deildinni. Falcao gegn Ronaldo Allra athygli verður á markavélum liðanna, Cristiano Ronaldo hjá Real, sem þarfnast ekki frekari kynningar, og Radamel Falcao hjá Atlético. Óhætt er að fullyrða að Falcao sé stærsti bitinn á leikmannamarkaðnum í dag sem spilar ekki með einu „stóru félaganna" í Evrópu. Síðan Kólumbíumaðurinn gekk í raðir portúgalska félagsins Porto frá River Plate í Argentínu árið 2009 hafa netmöskvar um alla Evrópu fengið að finna fyrir spyrnum og sköllum framherjans. „Tígurinn" skoraði tæpt mark að meðaltali í leik með sigursælu liði Porto tímabilin tvö í Portúgal. Síðasti leikurinn var úrslitaleikur Evrópudeildarinnar vorið 2011 þar sem Falcao skoraði eina mark leiksins. Markið var hans átjánda í sextán leikjum keppninnar. Með réttu mætti krýna Kólumbíumanninn „konung Evrópudeildarinnar" því hann skoraði tvö marka Atlético Madrid í úrslitaleiknum í vor þegar félagið tók bikarinn í sína vörslu. 24 mörk á fyrsta tímabili í spænsku deildinni féllu í skuggann af Lionel Messi og Ronaldo sem einokuðu forsíður spænsku blaðanna. Þegar liðsmenn Chelsea gengu til búningsherbergja með skottið á milli lappanna í Ofurbikarnum í haust var aðeins eitt nafn á vörum sparkspekinga. Falcao hafði skorað þrennu í fyrri hálfleik gegn sjálfum Evrópumeisturunum og úrslitin ráðin. „Draumur sonar míns er að spila með Real Madrid," sagði faðir Falcao í viðtali við kólumbíska útvarpsstöð sem vakti mikla athygli. Ólíklegt má telja að af vistaskiptunum verði enda heiðursmannasamkomulag milli félaganna. Þó má fastlega reikna með því að Falcao söðli um fyrr en síðar. Í samningi Falcao kemur fram að Kólumbíumaðurinn megi yfirgefa félagið berist tilboð upp á 60 milljónir evra eða tæpa tíu milljarða króna. Það er helmingi hærri upphæð en Atlético keypti kappann á sumarið 2011. Chelsea er talinn líklegur áfangastaður Falcao en liðið gæti boðið fyrrum leikmann Atlético, Fernando Torres, í skiptum. Ólíklegt er að áhugi liðanna minnki eftir leikinn í kvöld enda líkurnar meiri en minni að Falcao verði á skotskónum.Aukaefni: Sé Diego Simeone ekki þegar kominn í guðatölu hjá stuðningsmönnum liðsins verður hann það takist liðinu að leggja stóra bróður á Santiago Bernabéu-leikvanginum í Madríd í kvöld. Atlético hefur ekki lagt Real að velli í þrettán ár. Þá unnu hinir rauðu og hvítu 3-1 sigur á Bernabéu. Síðan þá hefur Real unnið átján leiki en fimm sinnum hafa liðin skilið jöfn. Bið undirokaðra stuðningsmanna Atlético eftir sigri er því orðin löng og erfið. Til marks um hve langt er síðan skoraði Jimmy Floyd Hasselbaink tvö af mörkum gestanna en Hollendingurinn átti síðar eftir að mynda banvænt framlínupar með Eiði Smára Guðjohnsen hjá Chelsea. Iker Casillas, sem hafði ekki spilað með aðalliði Real á þessum tíma, sat á bekknum. Síðan hefur spænski markvörðurinn staðið vaktina 645 sinnum með Real og 143 sinnum fyrir land og þjóð. Spænski boltinn Mest lesið Hafa ekki heyrt frá Hearts: „Kom mér jafn mikið á óvart og þér“ Íslenski boltinn Þarf vernd lögreglu vegna reiði Rómverja Fótbolti Nasistaborði í Magdeburg til rannsóknar Fótbolti Uppgjörið, viðtöl og myndir: Breiðablik - ÍA 2-0 | Afbragðsafgreiðsla Ísaks innsiglaði sigurinn Íslenski boltinn „Algjör synd að við fengum ekkert út úr þessum leik“ Íslenski boltinn Sólveig keppti ólétt og á leið í þungunarrof Sport Uppgjörið: Valur - Stjarnan 2-2 | Gylfi Þór jafnaði með stórkostlegu marki Íslenski boltinn Arnar sagður líklegur til að taka við í Skotlandi Íslenski boltinn Háspenna er FH vann Hafnarfjarðarslaginn Handbolti Sjáðu ótrúlega sjö mínútna þrennu Smith og tvennu Nadíu Íslenski boltinn Fleiri fréttir Nasistaborði í Magdeburg til rannsóknar Þarf vernd lögreglu vegna reiði Rómverja Uppgjörið, viðtöl og myndir: Breiðablik - ÍA 2-0 | Afbragðsafgreiðsla Ísaks innsiglaði sigurinn „Algjör synd að við fengum ekkert út úr þessum leik“ Uppgjörið: Valur - Stjarnan 2-2 | Gylfi Þór jafnaði með stórkostlegu marki Hafa ekki heyrt frá Hearts: „Kom mér jafn mikið á óvart og þér“ Sjáðu ótrúlega sjö mínútna þrennu Smith og tvennu Nadíu Arnar sagður líklegur til að taka við í Skotlandi Grátleg niðurstaða Birnis og Gísla „Við Mosfellingar erum öðruvísi, við erum sérstakir“ Fertugasti leikur Glódísar og félaga í röð án taps Tímabilið búið hjá Rodri? Bara tvær fljótari en Sveindís Fyrirliðinn framlengir og tekur slaginn í Bestu deildinni Uppgjörið: Fjölnir - Afturelding 0-0 | Afturelding fer aftur á Laugardalsvöll Bandaríkjamenn að eignast Everton Leiðrétting löngu eftir EM: Þetta hefði átt að vera víti Stig tekin af liði Ásdísar og félagið gæti hætt Haaland ekki refsað Viðar Ari fjórbrotinn Búið spil hjá fyrirliðanum en Barcelona má fá nýjan mann BBC gefur í skyn að draumur Freys gæti ræst Keane segir Arteta að taka lyfin sín Sér eftir að hafa valið Val fram yfir KR Ótrúleg og áður óséð tölfræði: Tveir Arsenal-menn áttu enga sendingu Glæsimörk Mundu eftir tveggja ára bið Haaland kastaði boltanum í hnakkann á Gabriel eftir jöfnunarmark City Liðsfélagi Arnórs með bitför eftir andstæðing Arteta vildi ekki tjá sig um rauða spjaldið Atlético Madrid gerði enn eitt jafnteflið Sjá meira
Atlético Madrid heimsækir Real Madrid í slagnum um Madrídarborg í kvöld. Diego Simeone hefur náð frábærum árangri á innan við ári sem stjóri Atlético en þrettán ár eru síðan Atlético lagði Real að velli. Nú er lag en Atlético er aldrei þessu vant aðalkeppinautur Real. Atlético situr í öðru sæti deildarinnar en þremur stigum munar á liðinu og Barcelona sem vermir toppsætið. Real Madrid situr átta stigum á eftir grannliðinu og ellefu á eftir Börsungum. Möguleikinn á að liðið verji Spánarmeistaratitil sinn er lítill sem enginn. Atlético hefur ekki unnið deildina síðan tímabilið 1995-1996. Þá voru nítján ár frá síðasta meistaratitli félagsins. Sama tímabil vann liðið spænska konungsbikarinn sem síðan hefur dvalið í verðlaunaskápum annarra félaga. Tímabilið sigursæla stjórnaði argentínskur miðjumaður ferðinni hjá Atlético. Leikmaðurinn, Diego Simeone, er í dag knattspyrnustjóri félagsins og nýtur hann skiljanlega mikilla vinsælda hjá stuðningsmönnum félagsins. Síðan þá hefur Atlético ekki hafnað fyrir ofan Real í deildinni. Falcao gegn Ronaldo Allra athygli verður á markavélum liðanna, Cristiano Ronaldo hjá Real, sem þarfnast ekki frekari kynningar, og Radamel Falcao hjá Atlético. Óhætt er að fullyrða að Falcao sé stærsti bitinn á leikmannamarkaðnum í dag sem spilar ekki með einu „stóru félaganna" í Evrópu. Síðan Kólumbíumaðurinn gekk í raðir portúgalska félagsins Porto frá River Plate í Argentínu árið 2009 hafa netmöskvar um alla Evrópu fengið að finna fyrir spyrnum og sköllum framherjans. „Tígurinn" skoraði tæpt mark að meðaltali í leik með sigursælu liði Porto tímabilin tvö í Portúgal. Síðasti leikurinn var úrslitaleikur Evrópudeildarinnar vorið 2011 þar sem Falcao skoraði eina mark leiksins. Markið var hans átjánda í sextán leikjum keppninnar. Með réttu mætti krýna Kólumbíumanninn „konung Evrópudeildarinnar" því hann skoraði tvö marka Atlético Madrid í úrslitaleiknum í vor þegar félagið tók bikarinn í sína vörslu. 24 mörk á fyrsta tímabili í spænsku deildinni féllu í skuggann af Lionel Messi og Ronaldo sem einokuðu forsíður spænsku blaðanna. Þegar liðsmenn Chelsea gengu til búningsherbergja með skottið á milli lappanna í Ofurbikarnum í haust var aðeins eitt nafn á vörum sparkspekinga. Falcao hafði skorað þrennu í fyrri hálfleik gegn sjálfum Evrópumeisturunum og úrslitin ráðin. „Draumur sonar míns er að spila með Real Madrid," sagði faðir Falcao í viðtali við kólumbíska útvarpsstöð sem vakti mikla athygli. Ólíklegt má telja að af vistaskiptunum verði enda heiðursmannasamkomulag milli félaganna. Þó má fastlega reikna með því að Falcao söðli um fyrr en síðar. Í samningi Falcao kemur fram að Kólumbíumaðurinn megi yfirgefa félagið berist tilboð upp á 60 milljónir evra eða tæpa tíu milljarða króna. Það er helmingi hærri upphæð en Atlético keypti kappann á sumarið 2011. Chelsea er talinn líklegur áfangastaður Falcao en liðið gæti boðið fyrrum leikmann Atlético, Fernando Torres, í skiptum. Ólíklegt er að áhugi liðanna minnki eftir leikinn í kvöld enda líkurnar meiri en minni að Falcao verði á skotskónum.Aukaefni: Sé Diego Simeone ekki þegar kominn í guðatölu hjá stuðningsmönnum liðsins verður hann það takist liðinu að leggja stóra bróður á Santiago Bernabéu-leikvanginum í Madríd í kvöld. Atlético hefur ekki lagt Real að velli í þrettán ár. Þá unnu hinir rauðu og hvítu 3-1 sigur á Bernabéu. Síðan þá hefur Real unnið átján leiki en fimm sinnum hafa liðin skilið jöfn. Bið undirokaðra stuðningsmanna Atlético eftir sigri er því orðin löng og erfið. Til marks um hve langt er síðan skoraði Jimmy Floyd Hasselbaink tvö af mörkum gestanna en Hollendingurinn átti síðar eftir að mynda banvænt framlínupar með Eiði Smára Guðjohnsen hjá Chelsea. Iker Casillas, sem hafði ekki spilað með aðalliði Real á þessum tíma, sat á bekknum. Síðan hefur spænski markvörðurinn staðið vaktina 645 sinnum með Real og 143 sinnum fyrir land og þjóð.
Spænski boltinn Mest lesið Hafa ekki heyrt frá Hearts: „Kom mér jafn mikið á óvart og þér“ Íslenski boltinn Þarf vernd lögreglu vegna reiði Rómverja Fótbolti Nasistaborði í Magdeburg til rannsóknar Fótbolti Uppgjörið, viðtöl og myndir: Breiðablik - ÍA 2-0 | Afbragðsafgreiðsla Ísaks innsiglaði sigurinn Íslenski boltinn „Algjör synd að við fengum ekkert út úr þessum leik“ Íslenski boltinn Sólveig keppti ólétt og á leið í þungunarrof Sport Uppgjörið: Valur - Stjarnan 2-2 | Gylfi Þór jafnaði með stórkostlegu marki Íslenski boltinn Arnar sagður líklegur til að taka við í Skotlandi Íslenski boltinn Háspenna er FH vann Hafnarfjarðarslaginn Handbolti Sjáðu ótrúlega sjö mínútna þrennu Smith og tvennu Nadíu Íslenski boltinn Fleiri fréttir Nasistaborði í Magdeburg til rannsóknar Þarf vernd lögreglu vegna reiði Rómverja Uppgjörið, viðtöl og myndir: Breiðablik - ÍA 2-0 | Afbragðsafgreiðsla Ísaks innsiglaði sigurinn „Algjör synd að við fengum ekkert út úr þessum leik“ Uppgjörið: Valur - Stjarnan 2-2 | Gylfi Þór jafnaði með stórkostlegu marki Hafa ekki heyrt frá Hearts: „Kom mér jafn mikið á óvart og þér“ Sjáðu ótrúlega sjö mínútna þrennu Smith og tvennu Nadíu Arnar sagður líklegur til að taka við í Skotlandi Grátleg niðurstaða Birnis og Gísla „Við Mosfellingar erum öðruvísi, við erum sérstakir“ Fertugasti leikur Glódísar og félaga í röð án taps Tímabilið búið hjá Rodri? Bara tvær fljótari en Sveindís Fyrirliðinn framlengir og tekur slaginn í Bestu deildinni Uppgjörið: Fjölnir - Afturelding 0-0 | Afturelding fer aftur á Laugardalsvöll Bandaríkjamenn að eignast Everton Leiðrétting löngu eftir EM: Þetta hefði átt að vera víti Stig tekin af liði Ásdísar og félagið gæti hætt Haaland ekki refsað Viðar Ari fjórbrotinn Búið spil hjá fyrirliðanum en Barcelona má fá nýjan mann BBC gefur í skyn að draumur Freys gæti ræst Keane segir Arteta að taka lyfin sín Sér eftir að hafa valið Val fram yfir KR Ótrúleg og áður óséð tölfræði: Tveir Arsenal-menn áttu enga sendingu Glæsimörk Mundu eftir tveggja ára bið Haaland kastaði boltanum í hnakkann á Gabriel eftir jöfnunarmark City Liðsfélagi Arnórs með bitför eftir andstæðing Arteta vildi ekki tjá sig um rauða spjaldið Atlético Madrid gerði enn eitt jafnteflið Sjá meira
Uppgjörið, viðtöl og myndir: Breiðablik - ÍA 2-0 | Afbragðsafgreiðsla Ísaks innsiglaði sigurinn Íslenski boltinn
Uppgjörið, viðtöl og myndir: Breiðablik - ÍA 2-0 | Afbragðsafgreiðsla Ísaks innsiglaði sigurinn Íslenski boltinn