Matreiðsluþáttur fyrir tískuunnendur

Tíska Vefsíðan Fashionista.com hefur farið af stað með matreiðsluþætti er nefnast Haute cuisine. Þar munu þekktir einstaklingar úr tískuiðnaðinum elda uppáhaldsrétti sína með þáttastjórnandanum David Yi.

Fyrstu gestir þáttarins eru Joe Zee, listrænn stjórnandi Elle, og kærasti hans, Rob Younkers sem kennir við Parsons-skólann í New York. Zee og Younkers elda humar og saltbollur sem er þeirra uppáhaldsréttur. Þátturinn verður frumsýndur á vefsíðunni þann 4. september næstkomandi.

Þetta er líklega í fyrsta sinn sem tískufrömuðir fá tækifæri til að láta ljós sitt skína í eldhúsinu og munu þættirnir án efa vekja nokkra athygli. Tískuáhugafólk getur látið sig hlakka til og haldið í vonina um að Karl Lagerfeld láti mögulega tilleiðast, enda er maðurinn stórskemmtilegur og mikill sælkeri.