Bandaríkjamaðurinn Nick Watney hefur tveggja högga forystu að loknum fyrsta hring á Tiger Woods Wold Challenge mótinu. Leikið er á Sherwood-vellinum í Kaliforníu.
Watney spilaði fyrsta hringinn á 67 höggum eða fimm undir pari vallarins. Hann paraði fyrstu átta holu vallarins og nældi sér í fimm fugla á síðustu tíu holunum.
Á hæla Watney koma Kanarnir Keegan Bradley og Jim Furyk ásamt Norður-Íranum Graeme McDowell á þremur undir.
Gestgjafinn Tiger Woods deilir fimmta sætinu ásamt löndum sínum Bo Van Pelt og Webb Simpson á tveimur undir pari.
Stöðuna í mótinu má sjá hér.
Watney efstur að loknum fyrsta hring á boðsmóti Tiger Woods
