Birgir Leifur þarf að eiga góðan lokadag

Birgir Leifur Hafþórsson er í 33. sæti fyrir lokakeppnisdaginn á 2. stigi úrtökumótaraðarinnar fyrir Evrópumótaröðina í golfi.

Mót Birgis Leifs fer fram í Murcia á Spáni og komast um 20 efstu kylfingarnir áfram á þriðja og síðasta stig úrtökumótaraðarinnar.

Birgir Leifur lék á pari í dag og er samtals á einu höggi yfir pari eftir fyrstu þrjá dagana. Kylfingar sem eru í 14.-23. sæti eru á tveimur höggum undir pari.

Það er því ljóst að hann þarf að bæta sig nokkuð til að eiga möguleika á að komast áfram.