Birgir Leifur líklega úr leik

Ólíklegt er að kylfingurinn Birgir Leifur Hafþórsson komist áfram á annað stig úrtókumótsins fyrir PGA-mótaröðina. Birgir stóð sig vel í dag og er jafn öðrum í 19. sæti en aðeins sextán efstu og jafnir komast áfram.

Birgir Leifur lék lokahringinn í dag á 69 höggum, eða einu höggi undir pari, og hann lauk því leik á samtals þrem höggum undir pari.

Skagamaðurinn lék fyrstu tvo hringina á 69 og 71 höggi en síðustu tvo á 68 og 69.

Þó nokkrir kylfingar eiga eftir að ljúka keppni en allt útlit er fyrir að Birgir Leifur muni sitja eftir en hafi verið grátlega nálægt því að komast áfram. Þegar þetta er skrifað er hann aðeins einu höggi frá því að komast áfram á næsta stig.