Markalaust í London | Öll úrslit kvöldsins

Gylfi Þór Sigurðsson kom inn á sem varamaður þegar að Tottenham og Lazio gerðu markalaust jafntefli í Evrópudeild UEFA í kvöld.

Gyfli spilaði síðasta stundarfjórðunginn en frammistaða Tottenham þótti ekki sannfærandi í leiknum, þó svo að Andre Villas-Boas, stjóri liðsins, hafi stillt upp sterku liði.

Tottenham náði þó að koma boltanum þrívegis í netið án þess að markið fengi að standa gilt, Villas-Boas til mikillar gremju.

Annað ítalskt lið, Inter, gerði 2-2 jafntefli við Rubin Kazan eftir að hafa lent tvívegis undir í leiknum. Yuto Nagatomo skoraði jöfnunarmark Inter í uppbótartíma.

Öll úrslit í leikjum kvöldsins má sjá hér fyrir neðan. Markaskorara má sjá með því að smella á hvern leik fyrir sig.