Haukar fóru illa með Framara

Fram skoraði bara ellefu mörk gegn Haukum á Hafnarfjarðarmótinu í kvöld. Lokatölur voru 32-11.

Sigurður Eggertsson og Haraldur Þorvarðarson skoruðu tvö mörk hvor fyrir Fram og voru markahæstu leikmenn liðsins. Gylfi Gylfason skoraði sex mörk fyrir Hauka og Freyr Brynjarsson fimm.

Í hinum leik kvöldsins gerðu FH og Afturelding jafntefli, 30-30. Einar Rafn Eiðsson skoraði sjö mörk fyrir FH og Jóhann Jóhannsson þrettán fyrir Aftureldingu.

Reykjavíkurmótið hófst einnig í kvöld. Í fyrsta leiknum hafði ÍR betur gegn Þrótti, 36-23.