Hér er uppskrift að sérlega sumarlegri og gómsætri kókosköku í boði Guðríðar Haraldsdóttir, aðstoðarrtitstjóra Vikunnar.
„Þegar ég rakst á hana í nýjasta Gestgjafanum um daginn varð ég að prófa hana og fannst hún æðislega góð! Hún er blautari og meira djúsí (það gera eplin) en kókoskakan sem ég hef stundum bakað og er orðin að nýju uppáhaldskökunni minni úr kókosheimum.
Kókoskaka með eplum og sultu
(8-10 sneiðar)
180 g smjör, mjúkt
160 g sykur
3 egg
180 g hveiti
70 g kókosmjöl
1 tsk. lyftiduft
2 græn súr epli, afhýdd og rifin gróft niður
1 tsk. vanilludropar
150-200 g rabarbarasulta, hindberjasulta eða bara uppáhaldssultan ykkar
Hitið ofninn í 170°C. Hrærið smjör og sykur mjög vel saman. Bætið eggjum út í, einu í einu, og hrærið vel saman við. Blandið hveiti, kókosmjöli og lyftidufti út í og blandið saman við ásamt eplum og vanilludropum. Setjið deigið í tvö smurð form, 22-24 cm, og bakið í 30-40 mín. Látið botnana kólna aðeins og leggið þá síðan saman með sultu. Fallegt er að sigta flórsykur yfir.
ÍBV
Stjarnan
