Ytri-Rangá: Besta opnun síðari ára!

Veiðimenn sem voru svo heppnir að opna Ytri Rangá í gær lentu svo sannarlega í veislu í gær en alls komu 18 laxar á land og meirihlutinn vænn tveggja ára lax, sá stærsti 89 cm.

Fiskur var á öllum svæðum í ánni en veitt var á 14 stangir á sjö svæðum. Allir laxarnir fengust á flugu nema einn sem fékkst á spún. Er þetta besti opnunardagur í Ytri Rangá sem menn muna eftir og vonandi það sem koma skal í ánni í sumar.

Lax-a.is á enn lausar stangir fyrir næstu daga!

svavar@frettabladid.is