Feherty gerði stólpagrín að Tiger Woods | myndband

David Feherty, golfsérfræðingur Golf Channel, er þekktur fyrir að láta flest flakka þegar hann opnar munninn. Írinn, sem var á árum áður atvinnumaður í golfi, er einn þekktasti íþróttafréttamaðurinn sem fjallar um golf og hann er einnig sá umdeildasti.

Feherty tók að sér að kynna kylfinga til leiks á Tavistock góðgerðamótinu og þar lét Feherty „glósunum" rigna yfir þekktust kylfinga heims.

Í myndbandinu má sjá helstu atriðin. Tiger Woods fær eina góða „gusu" frá Feherty þar sem hann gerir grín að meiðslum bandaríska kylfingsins. „Mörg okkar komu hingað með þyrlu, hann kom með sjúkrabíl," sagði Feherty m.a.. Ernie Els fær einnig að kenna á því ásamt fjölmörgum þekktum köppum.