Inga Lind í nýju húsi

Fjölmiðlakonan Inga Lind Karlsdóttir og eiginmaður hennar Árni Hauksson fjárfestir sem meðal annars er einn stærsti hluthafinn í Högum eru nú flutt í nýja húsið sitt sem þau byggðu frá grunni á sjávarlóð á Arnarnesinu í Garðabæ.

Inga Lind og Árni fluttu ekki langt því þau bjuggu áður nokkrum götum ofar í Tjaldanesi. Nýja húsið þeirra í Mávanesi er engin smásmíði og það ætti að fara vel um alla fjölskylduna í þessu 760 fermetra glæsilega húsi á þessum einstaka stað.