Tinna komin áfram á lokaúrtökumótið

Tinna Jóhannsdóttir úr GK er komin áfram á lokaúrtökumótið fyrir Evrópumótaröðina í golfi þrátt fyrir að hafa spilað sinn versta hring á mótinu í dag.

Tinna er í fimmtánda sæti þegar þetta er skrifað en nokkrir eiga þó enn eftir að koma í hús. Efstu 35 komast áfram í lokaúrtökumótið og því nokkuð ljóst að Tinna náði markmiði sínu.

Hún lék á 78 höggum í dag, sex yfir pari vallarins og er samtals á fimm höggum yfir pari.

Fyrri níu holurnar voru ágætar hjá Tinnu en þá spilaði hún á tveimur yfir pari. Seinni níu voru hins vegar jafn góðar en þær holur spilaði hún á fjórum yfir pari. Húnn fékk einn skramba og þrjá skolla.

Lokaúrtökumótið fer fram á La Manga á Spáni í næstu viku og verður spennandi að fylgjast með hvort að Tinna komist í gegnum það líka.

Uppfært 17.00: Allir keppendur eru komnir í hús og endaði Tinna í 13-.15. sæti. Hannah Burke frá Englandi sigraði á ellefu höggum undir pari og var sex höggum á undan næsta keppanda.