Tiger Woods í toppbaráttunni í Kaliforníu

Tiger Woods hefur byrjað vel á Chevron World Challenge boðsmótinu sem hann stendur fyrir og fer fram á Sherwood vellinum í Kaliforníu. Kóreumaðurinn KJ Choi er með forystu eftir fyrsta hring en Woods er í öðru sæti.

KJ Choi fékk fugl á fyrstu fimm holunum og lék hringinn á 66 höggum eða á sex höggum undir pari. Tiger er þremur höggum á eftir og er í 2. sætinu ásamt landa sínum Steve Stricker.

Tiger hefur unnið þetta móti fjórum sinnum. Hann fékk fjóra fugla á fyrstu fimm holunum og tvo til viðbótar á seinni níu en þrír skollar sáu til þess að hann missti Choi aðeins frá sér.

Mikill vindur setti svip sinn á mótið í gær og Woods talaði um það eftir hringinn að það hafi verið mjög gott að leika á undir pari við slíkar aðstæður.