Emil skoraði í öðrum leiknum í röð

Emil Hallfreðsson skoraði mark Hellas Verona sem gerði 1-1 jafntefli við Nocerina í ítölsku B-deildinni í kvöld. Markið skoraði hann á 76. mínútu og tryggði sínum mönnum þar með stig á útivelli.

Þetta er annar leikurinn í röð sem Emil skorar en alls hefur hann skoraði fjögur mörk í bæði deild og bikar með Hellas Verona sem er í tólfta sæti deildarinnar með þrettán stig eftir ellefu leiki.

Emil hefur byrjað alla leiki tímabilsins til þessa og spilað í þeim flestum allar 90 mínúturnar. Liðið hefur þó leikið fimm leiki í röð í deildinni án sigurs en Torino er á toppi deildarinnar með 26 stig og er enn ósigrað.