Ólafur með þrjá fugla á fyrstu sjö holunum

Ólafur Björn Loftsson, kylfingur úr Nesklúbbnum, virðist kominn í stuð á Wyndham PGA-mótinu. Ólafur Björn fékk skramba á fyrstu holu en hefur síðan þá fengið þrjá fugla og parað þrjár holur.

Ólafur Björn er á einu höggi undir pari eftir sjö holur. Ólafur Björn, sem var ræstur út á 10. holu,spilaði holuna á sex höggum eða tveimur yfir pari.

Næstu tvær holur paraði hann áður en hann fékk tvo fugla í röð. Hann fékk par á 15. holu sem er par 5 og aftur fugl á þeirri sextándu.

Ólafur er í 28. sæti ásamt fjölmörgum öðrum. Enn á eftir að ræsa nokkra kylfinga út. Efstu menn eru á fimm höggum undir pari.

Hér má fylgjast með gangi mála á Sedgefiedl-vellinum í Greensboro. Smellið á nafn Ólafs Björns til að fá nánari upplýsingar um hans spilamennsku.