Mikið af fiski í Soginu eftir stóra göngu í gær

Okkar maður við bakkann í Soginu, nánar tiltekið á Bíldsfellinu, Örn Geirsson ásamt félögum, voru búnir að landa 12 löxum en þeir byrjuðu veiðar í gær.  Laxinn er allur grálúsugur og vel haldin.  Laxarnir voru teknir í Neðra Horni, Efri garði, Neðri Garður, Tóft, Kofastreng og séð laxa í Sakkarhólma en ekki náð neinu þar.

Töluvert af laxi virðist vera á öllum stöðum og allt er þetta eins árs lax.  Mest hefur þetta verið tekið á Rauðan Frances og maðk.

Nokkrum dögum áður sáust selir í Ölfusinu en þeir voru skotnir af vönum manni og það hefur greinilega haft góð áhrif því selurinn getur verið ansi skæður á þessu svæði ef hann liggur lengi í ánni og í skilum Hvítár.

Við fáum myndir frá þeim félögum seinna í dag og skellum þeim inn um leið og þær berast.