Ytri að bæta sig á hverjum degi

Ytri Rangá er að skila sínu þrátt fyrir erfiðar aðstæður. Í morgun voru tíu laxar komnir á land í sterkri austanátt en allt veiddist á efri svæðunum, en við þessar aðstæður er erfitt að veiða á neðri hluta árinnar.

Í gær komu ellefu laxar á land ásamt fjórum úr Hólsá og á sunnudag tíu laxar í Ytri og tveir úr Hólsánni. Það er góðs viti að það sé farið að veiðast í Hólsánni og við finnum fyrir því hér hjá Laxá að það er að bætast við veiðina frá degi til dags.

Birt með góðfúslegu leyfi Lax-Á