Heimir: Það var erfitt að fá eitthvað út úr þessum leik

„Það er kannski ekkert óeðlilegt að hafa tapað leiknum svona miðað við hvernig hann spilaðist,“ sagði Heimir Hallgrímsson, þjálfari ÍBV, eftir ósigurinn gegn Grindavík í dag.

„Við missum markmanninn útaf snemma í leiknum og það er erfitt að spila gegn 11 leikmönnum, hvað þá að fá eitthvað útúr því“.

„Ég er búinn að koma hingað nokkrum sinum til þess að horfa á Grindavík, þeir litu virkilega vel út í dag“.

„Ég vill ekkert tjá mig um vítaspyrnudóminn, á eftir að sjá þetta betur í sjónvarpinu. Svona atvik koma okkur ekkert við, maður hefur margt annað við tímann að gera en að hugsa um einhvern hlut sem er búinn“.