Ómar: Þetta var stríð sem við unnum

„Þetta var gríðarlega mikilvægur sigur hjá okkur í kvöld,“ sagði Ómar Jóhannsson, leikmaður Keflvíkinga, eftir sigurinn í kvöld.

Ómar átti frábæran leik og bjargaði Keflvíkingum oft á tíðum í leiknum, en Keflavík sigraði Fram 1-0 í sannkölluðum botnslag þar sem Keflavík náði að slíta sér örlítið frá fallpakkanum.

„Það var alveg ljóst að við urðum að taka þrjú stig í kvöld ef við ætluðum ekki að sökkva dýpra í botnbaráttuna. Þessi leikur var stríð og ekkert annað, sem betur fer kláruðum við dæmið“.

„Mér líður vel í markinu og hef æft vel í ár. Ég er í góðu formi og hef fundið mig vel það sem af er sumri“.