Veiði

Ótrúlegar fréttir úr Breiðdalsá

Karl Lúðvíksson skrifar
Stórlax úr Breiðdalsá
Stórlax úr Breiðdalsá Mynd: www.strengir.is
Oftast hefur verið vart við laxa á stangli í Breiðdalsá í júní en ekki verður opnað fyrr en 1. júlí eins og verið hefur undanfarinn ár. En miðað við lýsingarnar sem berast að austan má kanski fara að endurskoða það!

Eftirfarandi póstur barst í gær frá Sigurði Árnasyni sem er að vinna í viðhaldi á laxastiganum áður en vertíðinn hefst og þar segir:

„Sæll Þröstur

Ég var staddur uppi við laxastigann í Efri Beljanda fyrir stundu og varð litið út á breiðuna fyrir neðan og sá þá lax bylta sér.  Gekk upp á klettinn og setti upp gleraugun og við mér blasti stórkostleg sjón.  Tveggja ára laxinn var þar í röðum niður eftir malarkantinum!!  Á að giska um 20 stykki. Þessi flykki sveimuðu hver á fætur öðrum um hylinn eins og kafbátar.  Þá hlaut Neðri Beljandi að halda fiski og viti menn! Þegar ég gekk fram á brúnina kraumaði gersamlega allt. . . Það lítur svo sannarlega út fyrir algert metsumar og ég get vart beðið til þess að áin opni.

kkv Siggi Árna“

Glæsilegar fréttir og nú bara bíðum við spenntir eftir 1. júlí!

Birt með góðfúslegu leyfi Strengja

Stangveiði

Mest lesið




×

Mest lesið