Veiðisaga úr Blöndu Karl Lúðvíksson skrifar 28. júní 2011 21:00 23 punda lax af Breiðunni í Blöndu Mynd: www.lax-a.is Eins og við sögðum frá fyrr í dag þá er Blanda 1 að detta í 200 laxa, það telst svosem ekki neitt júnímet en er í góðu meðallagi. Eins og fyrri daginn er talsvert um að stórir fiskar séu að rétta upp króka og láta sig hverfa. Kristinn Gunnarsson leiðsögumaður setti í einn slíkan um daginn og sá tók á Breiðunni og lét sig húrra niður að broti. Kiddi er nú eldri en tvævetur í þessu sporti og tók fast á laxinum og náði að koma honum af brotinu og upp á Breiðuna aftur. En Adam var ekki lengi í paradís því laxinn fékk nóg af þessari vitleysu og snéri til baka, rétti upp krókana á Kamazan þríkrækju númer 6 og lét sig hverfa. Það eru akkúrat svona tilfelli sem veiðimenn vonast eftir þegar þeir halda til júníveiða í Blöndu að setja í alvöru lax. Staðreyndin er nefninlega sú að þessir laxar nást eiginlega aldrei á land heldur hreina línuna af hjólinu og annaðhvort slíta tauminn/línuna eða rétta úr krókum. Undanfarna tvo daga hafa a.m.k. tveir veiðimenn lent í því að laxar sem þessi hafi búið til prjón úr krókum – en þeim er alveg sama, tilgangurinn með ferðinni var að setja í alvöru lax og það tókst. Birt með góðfúslegu leyfi Lax-á Stangveiði Mest lesið Gæsaveiðin gengur vel um allt land Veiði Síðasta helgin til rjúpnaveiða framundan Veiði Fyrstu laxarnir mættir í Tungufljótið Veiði Góð rjúpnaveiði um allt land í gær Veiði Svipaður fjöldi umsókna og 2011 Veiði Stærsti laxinn í Langá - ólík veiði í Hítará og Langá Veiði Fleiri lokatölur úr laxveiðiánum Veiði Fyrstu laxarnir komnir úr Ytri Rangá Veiði Þverá og Kjarrá opna með látum Veiði Hausthængarnir farnir að pirrast Veiði
Eins og við sögðum frá fyrr í dag þá er Blanda 1 að detta í 200 laxa, það telst svosem ekki neitt júnímet en er í góðu meðallagi. Eins og fyrri daginn er talsvert um að stórir fiskar séu að rétta upp króka og láta sig hverfa. Kristinn Gunnarsson leiðsögumaður setti í einn slíkan um daginn og sá tók á Breiðunni og lét sig húrra niður að broti. Kiddi er nú eldri en tvævetur í þessu sporti og tók fast á laxinum og náði að koma honum af brotinu og upp á Breiðuna aftur. En Adam var ekki lengi í paradís því laxinn fékk nóg af þessari vitleysu og snéri til baka, rétti upp krókana á Kamazan þríkrækju númer 6 og lét sig hverfa. Það eru akkúrat svona tilfelli sem veiðimenn vonast eftir þegar þeir halda til júníveiða í Blöndu að setja í alvöru lax. Staðreyndin er nefninlega sú að þessir laxar nást eiginlega aldrei á land heldur hreina línuna af hjólinu og annaðhvort slíta tauminn/línuna eða rétta úr krókum. Undanfarna tvo daga hafa a.m.k. tveir veiðimenn lent í því að laxar sem þessi hafi búið til prjón úr krókum – en þeim er alveg sama, tilgangurinn með ferðinni var að setja í alvöru lax og það tókst. Birt með góðfúslegu leyfi Lax-á
Stangveiði Mest lesið Gæsaveiðin gengur vel um allt land Veiði Síðasta helgin til rjúpnaveiða framundan Veiði Fyrstu laxarnir mættir í Tungufljótið Veiði Góð rjúpnaveiði um allt land í gær Veiði Svipaður fjöldi umsókna og 2011 Veiði Stærsti laxinn í Langá - ólík veiði í Hítará og Langá Veiði Fleiri lokatölur úr laxveiðiánum Veiði Fyrstu laxarnir komnir úr Ytri Rangá Veiði Þverá og Kjarrá opna með látum Veiði Hausthængarnir farnir að pirrast Veiði