Veiðifréttaleikurinn heldur áfram í júní

Við þökkum þeim fjölmörgu sem sendu okkur veiðifréttir og veiðimyndir í júní mánuði. Við ætlum að halda áfram með leikinn núna í júní og hvetjum ykkur veiðimenn og veiðikonur að senda okkur veiðifréttirnar ykkar. Það verður dregið úr innsendum fréttum 1. júlí og í boði verður glæsilegt veiðileyfi. það var Ólafur Daði sem var dreginn út fyrir maí og hann er að fara skella sér ásamt félaga í Baugstaðarós í boði SVFR.

Annars eru frekar rólegar frengir af vatnaveiðinni enn sem komið er þrátt fyrir smá skot hér og þar. það er ennþá bara of kalt til að þetta fari almennilega í gang og þá sérstaklega fyrir norðan. Af vötnunum hér á suðvestur er það að frétta að það virðist helst vera í Hlíðarvatni, Kleifarvatni og Þingvallavatni sem eitthvað hefur verið að gerast.

Veiðivísir fékk þeir fréttir frá nokkrum félögum sem voru við Hítarvatn um helgina og settu í fínan fisk fyrstu mínúturnar. Það var algjört logn og fiskur að vaka út um allt og oft með töluverðum látum. Ástæðan var mikið klak í flugu og kepptist fiskurinn við að skófla í sig á meðan nóg var af æti. En vindáttin breyttist síðan og þá hvarf flugan og fiskurinn með. Afrakstur helgarinnar, einn fiskur! En það virtist vera mikið líf í vatninu svo að þetta er líklega dagaspursmál þangað til fréttirnar þaðan verða eins og við eigum að þekkja á góðum veiðidögum.