Tiger Woods í 13. sæti heimslistans - Donald er efstur

Aðeins 15 kylfingar hafa náð þeim áfanga að komast í efsta sæti heimlistans á þeim 24 árum sem listinn hefur verið notaður. Luke Donald frá Englandi er sá 15. í röðinni. Tiger Woods, frá Bandaríkjunum, hefur setið lengst allra í efsta sæti heimslistans eða 623 vikur samtals eða í rétt tæplega 12 ár. Woods hefur fallið eins steinn niður heimslistann að undanförnu og er hann í 13. sæti.

Tom Lehman frá Bandaríkjunum náði aðeins einni viku í efsta sæti og Þjóðverjinn Bernhard Langer frá Þýskalandi náði 3 vikum í efsta sæti.

Þeir sem hafa náð efsta sæti heimslistans eru:

Bernhard Langer, Þýskaland (3 vikur)

Seve Ballesteros, Spánn (61 vika)

Greg Norman, Ástralía (331 vika)

Nick Faldo, England (97 vikur)

Ian Woosnam, Wales (50 vikur)

Fred Couples, Bandaríkin (16 vikur)

Nick Price, Zimbabve (44 vikur)

Tom Lehman, Bandaríkin (1 vika)

Ernie Els, Suður-Afríka (9 vikur)

David Duval, Bandaríkin (15 vikur)

Vijay Singh, Fijí (32 vikur)

Tiger Woods, Bandaríkin (623 vikur)

Martin Kaymer, Þýskaland (8 vikur)

Lee Westwood, England (22 vikur)

Luke Donald, England