Formúla 1 send út í háskerpu í opinni dagskrá á Stöð 2 Sport um helgina

Fyrsta Formúlu 1 mót ársins verður sent út í háskerpu á Stöð 2 Sport um

helgina og tímatakan, kappaksturinn og þátturinn Endamarkið verða í opinni

dagskrá.

Nítján mót eru á dagskrá í Formúlu 1 árið 2011 og spurning hvort mótið í

Barein verður sett aftur á dagskrá. Því var frestað á dögunum vegna

pólitísks ástands í landinu. Mótshaldarar hafa frest til 1. maí til að

sækja um að halda mót að nýju á þessu ári.

FOM rétthafi Formúlu 1 mun senda öll mót út beint í háskerpu eða HD eins

og það er stundum kallað, en enski boltinn er sendur út í slíku formi á

Stöð 2 Sport þegar tækifæri er til.

Jón Ívarsson, tæknistjóri 365 segir að myndgæði útsendinga í HD geti

verið allt að 40-50% meiri en í hefðbundnum útsendingum, ef réttur búnaður

er til taks heima í stofu. Sérstakan myndlykil þarf til að taka á móti HD

merkinu og HD sjónvarp, sem skilar þessum gæðum í hús.

"Formúlan verður í háskerpu, um helgina og örugglega í fyrstu þremur mótunum. Þegar hún rekst á við skipulagðar HD útsendingar í enska boltann hvað tímasetningar varðar, þá verður hún ekki í HD", sagði Emilía Sighvatsdóttir, dagskrárstjóri á Stöð 2 Sport um væntanlegar útsendingar frá Formúlu 1.

"Tímatakan, keppnin og þátturinn Endamarkið eru send út í opinni dagskrá og þegar um næturútsendingar er að ræða eins og um helgina, þá eru endursýningar líka sýndar í opinni dagskrá."

Nú þegar er ljóst er að fyrstu þrjú Formúlu 1 mót ársins verða send út í háskerpu og sama verður með önnur mót sem skarast ekki á við HD útsendingar frá enska boltanum. Því ættu t.d. öll mót sumarsins í Formúlu 1 ættu að verða í háskerpu.

Fyrsti Formúlu 1 þátturinn á Stöð 2 Sport verður á föstudagskvöld kl.

20:30, en þá verður samantekt frá tveimur æfingum Formúlu 1 liða í nótt. Á

aðfaranótt laugardags verður bein útsending í frá þriðju æfingu kl. 02.55,

tímatakan er kl. 05:45. Tímatakan er endursýnd kl. 12:00 á laugardag.

Ítarlega verður fjallað um nýjungar í reglum og búnaði bílanna og nýja

ökumenn í upphitun fyrir kappaksturinn og hefst upphitunin kl. 05:30 á

sunnudag. Strax í kjölfarið fer kappaksturinn í gang.

Eftir kappaksturinn er þátturinn Endmarkið, þar sem sérfræðingar fara yfir

allt það helsta sem gerðist í mótinu og skoða myndskeið af því lútandi.

Áætluð útsending hans er kl. 08:00. Endursýning frá kappakstrinum er kl.

12:00 og Endmarkið fylgir í kjölfarið.