Gary Player efast um að Tiger Woods nái fyrri styrk

Gary Player frá Suður-Afríku er yfirleitt með sterkar skoðanir á hlutunum. Hinn 75 ára gamli kylfingur sem sigraði alls á 9 stórmótum á ferlinum er í miklum vafa um að Tiger Woods nái að bæta met Jack Nicklaus sem sigraði á 18 stórmótum á sínum ferli.

Woods hefur unnið 14 stómót en Player er á þeirri skoðun að Woods hafi staðnað og tíð þjálfaraskipti og sveiflubreytingar flæki málin enn frekar.

Hank Haney, fyrrum þjálfari Woods, og Sean Foley sem er núverandi þjálfari kylfingsins hafa deilt í gegnum fjölmiðla að undanförnu. Og einkalíf Woods var helsta fréttaefnið á árinu 2010 – en ekki afrek hans á golfvellinum.

„Ég myndi vilja að Tiger Woods hætti að þiggja ráð frá öllum þessum þjálfurum. Hann þarf að einbeita sér og ná áttum. Hann er lamaður af öllum þessum smáatriðum sem þjálfararnir eru að benda á.

Woods sigraði síðast á stórmóti árið 2008 þegar hann lék best allra á opna bandaríska meistaramótinu. Hann er annar í röðinni yfir sigursælustu kylfinga allra tíma á stórmótunum fjórum sem eru Mastersmótið, opna breska meistaramótið, opna bandaríska meistaramótið og PGA-meistaramótið.

„Það er erfitt að segja að hann muni ekki ná að vinna á ný, en ég er farinn að efast um að hann slái met Jack Nicklaus. Margir þekktir kylfingar hafa ekki náð að snúa við blaðinu eftir að hafa fengið vindinn í fangið – þar má nefna Seve Ballesteros og David Duval.

Eftirtaldir kylfingar hafa unnið flest stórmót á ferlinum:

Jack Nicklaus – 18

Tiger Woods – 14

Walter Hagen – 11

Ben Hogan – 9

Gary Player – 9

Tom Watson - 8

Bobby Jones - 7

Arnold Palmer - 7

Gene Sarazen - 7

Sam Snead - 7

Harry Vardon - 7

Nick Faldo - 6

Lee Trevino - 6

Seve Ballesteros - 5

James Braid - 5

Byron Nelson - 5

J.H. Taylor - 5

Peter Thomson - 5

Willie Anderson Jr. - 4

Jim Barnes - 4

Raymond Floyd - 4

Bobby Locke - 4

Phil Mickelson - 4

Tom Morris Jr. - 4

Tom Morris Sr. - 4

Willie Park Sr. - 4

Jamie Anderson - 3

Tommy Armour - 3

Julius Boros - 3

Billy Casper - 3

Henry Cotton - 3

Jimmy Demaret - 3

Ernie Els - 3

Bob Ferguson - 3

Ralph Guldahl - 3

Padraig Harrington - 3

Hale Irwin - 3

Cary Middlecoff - 3

Larry Nelson - 3

Nick Price - 3

Denny Shute - 3

Vijay Singh - 3

Payne Stewart - 3