Breytt útfærsla á Formúlu 1 útsendingu

Bein útsending frá tímatökum í Formúlu 1 mótinu í Singapúr um helgina verður með öðru sniði en venjulega. Vegna lokaumferðar í Íslandsmótinu í knattspyrnu sem er beint á Stöð 2 Sport á laugardag. Þá verður tímatakan sýnd beint kl. 13.50 á Stöð 2 Sport 3. Útsendingin verður í opinni dagskrá. Tímatakan verður svo endursýnd kl. 17.30 á laugardag á Stöð 2 Sport, í opinni dagskrá. Allar aðrar útsendingar frá Formúlu 1 mótinu í Singapúr verða sem fyrr á Stöð 2 Sport og fyrsti þátturinn er á föstudagskvöld kl. 23.00. Þá er sýnt frá föstudagsæfingum keppnisliða, en á laugardag er sýnt beint frá lokaæfingu keppnisliða kl. 11.55. Tímatakan tekur svo við, eins og fyrr segir, en kappaksturinn er í beinni útsendingu á Stöð 2 Sport á sunnudag kl. 11.30 í opinni dagskrá. Strax að kappakstrinum loknum er þátturinn Endmarkið, þar sem farið er yfir allt það helsta sem gerðist í mótinu. Mótið í Singapúr er eina fullkomlega flóðlýsta Formúlu 1 mótið á keppnistímabilinu og eru 1500 ljóskastarar notaðir til að lýsa mótssvæðið upp fyrir ökumenn. Tvívegis hefur verið keppt í mótinu, sem þykir eitt það tilkomumesta á árinu vegna flóðlýsingarinnar. Lewis Hamilton á McLaren vann mótið í fyrra, en hann er í öðru sæti í stigamóti ökumanna. Mark Webber er fremstur fimm ökumanna sem eiga möguleika á titlinum þegar fimm mótum er ólokið.