Tiger byrjaði ágætlega í Kína

Ítalski kylfingurinn Francesco Molinari, sem lék með Ryderliði Evrópu á Celtic Manor í haust, er efstur að loknum fyrsta keppnisdegi á HSBC meistaramótinu í golfi í Kína. Bandaríkjamaðurinn Tiger Woods lék ágætlega og er hann á 68 höggum eða 4 höggum undir pari vallar.

Molinari lék á 65 höggum eða 7 höggum undir pari. Englendingurinn Lee Westwood er annar, einu höggi á eftir Molinari, en Westwood er í efsta sæti heimslistans. Átta af alls tíu efstu kylfingum heimslistans eru mættir til leiks á þessu móti en mótshaldarar greiða keppendum háar fjárhæðir fyrir að mæta til leiks.

Woods lék fyrri 9 holurnar á pari en hann fékk fjóra fugla á síðari níu holunum. Phil Mickelson frá Bandaríkjunum hefur titil að verja á mótinu en hann lék á 69 höggum.

Staða efstu manna:

Francesco Molinari -7

Lee Westwood -6

Yuta Ikeda -5

Henrik Stenson -5

Noh Seung-Yul -5

Pablo Martin -4

Tiger Woods -4

Luke Donald -4

Richie Ramsay -3

Louis Oosthuizen -3

--------------

Adam Scott -3

Padraig Harrington -2

Rory McIlroy -1

Matteo Manassero -1

Rickie Fowler -1

Ernie Els par

Martin Kaymer par

Nick Watney par

Paul Casey + 1

Graeme McDowell + 2