Stelpurnar í 19 ára landsliðinu byrjuðu vel í undankeppni Evrópumótsins þegar þær unnu 2-0 sigur á heimastúlkum í gær. Blikinn Berglind Björg Þorvaldsdóttir skoraði bæði mörk Íslands í leiknum, eitt í hvorum hálfleik.
Berglind hefur þar með skorað 14 mörk í 19 leikjum með 19 ára landsliðinu og er búin að jafna markamet Gretu Mjallar Samúelsdóttur sem skoraði 14 mörk í 14 leikjum með 19 ára landsliðo.
Næsti leikur Íslands í riðlinum er gegn Ísrael og fer hann fram á mánudaginn. Ísrael beið lægri hlut gegn Úkraínu í hinum leik riðilsins með einu marki gegn tveimur.
FH
Valur
