Í fangelsi fyrir að vera sólbrúnar

Lögreglustjórinn í Teheran höfuðborg Írans hefur gefið út yfirlýsingu um að sólbrúnar konur verði handteknar og fangelsaðar.

Þessi viðvörun kemur í kjölfar þess að múslimaklerkar hafa sagt í predikunum að jarðskjálftar, eldgos og önnur óáran stafi af því að konur klæði sig ósiðlega.

Breska blaðið Daily Telegraph hefur eftir Hossien Sajedinia lögreglustjóra að í norðurhluta Teherans megi sjá margar sólbrúnar konur og ungar stúlkur sem líta út eins og gangandi tískugínur.

-Við ætlum ekki að líða þetta ástand. Við munum fyrst aðvara þær og síðan handtaka þær og setja í fangelsi, sagði lögreglustjórinn.