Viðskipti erlent

Rússar slógust um Picasso málverk á uppboði

Rússneskir kaupendur slógust um málverk eftir Picasso á uppboði hjá Christie´s í London í vikunni. Hin ákafa barátta um verkið, sem er Tete de Femme frá árinu 1963, olli því að það var slegið á 8,1 milljón punda eða nokkuð yfir 1,6 milljarða kr.

Samkvæmt frétt um málið á Bloomberg fréttaveitunni var fyrrgreint verð um tvöfalt það sem Christie´s hafði búist við að það seldist á. Thomas Seydoux forstjóri fyrir nútímaverk hjá Christie´s International segir að Rússar vilji helst kaupa litrík og skrautleg verk eftir þekkta málara. Baráttan um þetta verk Picasso kom honum þó á óvart.

„Þessi mikli fjöldi tilboða í verkið frá Rússum og öðrum Austurevrópubúum kom okkur í opna skjöldu," segir Seydoux.

Á þessu uppboði voru seld 69 verk eftir impressionista og nútímalistmálara. Af þeim keyptu Rússar 21 verk og var hvert þeirra selt á meir en tæpar 200 milljónir kr.





Mest lesið


Fleiri fréttir

Sjá meira


×

Mest lesið