Fresta umræðum um hlýnun jarðar

Bandaríkjaþing hefur frestað umræðu um hlýnun jarðar og áhrif hennar á heilsufar almennings í Bandaríkjunum.

Ástæðan er sú að í Washington ríkir slíkur fimbulvetur og kuldi að umræður um hlýnun verða að bíða betri tíma.

Samgöngur hafa farið úr skorðum í höfuðborginni og tugþúsundir heimila eru án rafmagns vegna þess að fannfergið hefur sligað rafmagnsmöstur og víra.

Þetta ástand hefur varað nokkra daga og íbúar Washington bíða óþreyjufullir eftir loftslagsbreytingum.