Westwood sigraði með yfirburðum í Suður-Afríku og fékk 144 milljónir kr.

Lee Westwood sýndi mikið öryggi í leik sínum þegar hann sigraði á Nedbank meistaramótinu í golfi sem fram fór í Suður-Afríku. Westwood, sem er efstur á heimslistanum, lék lokahringinn á 68 höggum eða 4 höggum undir pari.

Englendingurinn sigraði með yfirburðum og var átta höggum betri en heimamaðurinn Tim Clark. Westwood lék samtals á 17 höggum undir pari en Clark var á 9 höggum undir pari.

Retief Goosen frá Suður-Afríku og Spánverjinn Miguel Angel Jimenez deildu öðru sætinu á 8 höggum undir pari.

Fyrir sigurinn fékk Westwood um 144 milljónir kr. í verðlaunafé en þetta er í fyrsta sinn sem hann sigrar þetta mót en þetta var í sjöunda sinn sem hann tekur þátt.

Mótið fór fram á Gary Player golfsvæðinu sem þykir sérlega glæsilegt.

Aðeins 12 kylfingar fengu boð um að taka þátt en verðlaunaféð er í sérflokki. Heimamaðurinn, Louis Oosthuizen, sem endaði í neðsta sæti fékk um 30 milljónir kr. í sinn hlut - sem verður að teljast dágóð upphæð. Oosthuizen sigrað með eftirminnilegum hætti á opna breska meistaramótinu á þessu ári sem fram fór á St. Andrews.

Lokastaðan:

271 Lee Westwood

(68-64-71- 68)

279 Tim Clark

(73- 67- 68- 71)



280 Retief Goosen

(72- 70- 70- 68)



280 Miguel Angel Jimenez

(69- 69- 71- 71)



283 Ross Fisher

(67- 68- 73- 75)

283 Ernie Els

(71- 68- 71- 73)

285 Robert Allenby

(70- 70- 73- 729

285 Padraig Harrington

(66- 72- 72- 75)

286 Anders Hansen

(72- 70- 68- 76)

286 Justin Rose

(70- 72- 72- 72)

287 Edoardo Molinari

(71- 67- 73- 76)

290 Louis Oosthuizen

(71- 73- 72- 74)