Vettel ánægður eftir erfiða tímatöku

Sebastian Vettel tryggði Red Bull og sjálfum sér besta stað á ráslínu í

kappakstrinum í Valencia sem verður á morgun. Mark Webber , félagi hans er annar á ráslínu og þetta er í fjórðs skipti á árinu sem þeir eru á fremstu rásröðinni.

Lewis Hamilton vann tvö síðustu mót á McLaren og er þriðji á ráslínu, við

hliðina á Fernando Alonso á Ferrari.

„Þetta er gott að vera fremstur. Okkur gekk ekki of vel í síðustu

tveimur mótum í tímatökum, þannig að útkoman er góð núna. Þess var ekki að

vænta að brautin í Montreal og hér myndu henta okkur, þannig að það er

gott að ná fremstu rásröðinni og staðan er góð", sagði Vettel í

frétt á autosport.com.

„Ég er ánægður með daginn, enda tímatakan erfið. Mér mistókst í

fyrri tilraun minni í lokaumferðinni og vissi að ég yrði að láta allt

ganga upp í seinni tilrauninni og það gekk upp."

Red Bull er með nýjan búnað á bílnum sem hleypir auknu loftstreymi á

afturvænginn gegnum ökumannsrýmið. Vettel sagðist vera að læra á búnaðinn

sem er notaður á beinum köflum.

„Það var gott að ná þessum árangri og þakka þannig aðstoðarmönnum

fyrir mikla vinnu, þeir hafa sofið örfáa tíma...", sagði Vettel.

Mótið í Valencia er í beinni útsendingu á Stöð 2 Sport kl. 11.30 á morgun og er í opinni dagskrá.