Í frétt um málið á Reuters hefur gullúnsan hækkað um rúmlega 18 dollara frá því í gærdag eða um 1,5%. Fyrra verðmet á gullinu var sett í desemberbyrjun í fyrra þegar það náði 1.217.4 dollara á únsuna.
Samkvæmt fjölda greinenda er verðhækkunin tilkomin vegna þess að fjárfestar streyma nú með fé sitt í örugga höfn gullsins. Þeir efast um að hinn risavaxni neyðarsjóður sem ESB/AGS samþykktu s.l. sunnudag dugi til að leysa vandamálin í kringum skuldakreppu Grikklands.