Villibráð að hætti Jóa Fel: Krónhjörtur, sveppablanda og steiktar perur

Krónhjörtur

þurrkaðir villisveppir

einiber

salt og pipar

Aðferð: Maukið í morteli sveppi og einiber, kryddið með salt og pipar. Veltið kjötinu uppúr kryddinu og steikið við háan hita. Bakið í ofni við 180° í sirka 12 mínútur en það fer efti því hversu þykk steikin er. Hafið steikina létt steikta eða í sirka 55° í kjarnhita.

Sveppablanda

sirka 500 gr af sveppum

flúðasveppir

kastaníu sveppir

shitake sveppir (ef vill)

1 dl Grand marnier

sirka 2 dl Rjómi

salt og pipar

Aðferð: Steikið sveppina vel , setjið vínið saman við og sjóðið niður í síróp. Setjið þá rjóma saman við og látið sjóða í þykkan lög, kryddið með salt og pipar.

Steiktar perur

pera

smjör

hrásykur

Aðferð: Skerið peruna niður í báta og steikið upp úr smjöri, setjið sykurinn saman við og látið leysast upp, brúnið létt.

Skerið kjötið niður í sneiðar, setjið sveppa blöndu á disk og kjötið þar yfir. Setjið þá perurnar yfir kjötið og berið fram.