Inter sagt vera á eftir Toni

Ítalski framherjinn Luca Toni mun væntanlega yfirgefa herbúðir FC Bayern í janúar og líklegur áfangastaður er talinn vera Ítalía.

Ítalskir fjölmiðlar greina frá því í dag að Jose Mourinho vilji fá Toni til Inter. Liðið missir Samuel Eto´o á Afríkumótið og þarf því enn frekar á liðsstyrk að halda.

Inter hefur einnig verið sterklega orðað við Goran Pandev, framherja Lazio.

Toni er búinn að mála sig út í horn hjá Bayern og félagið vill ekkert með hann gera lengur.