Loksins sigur hjá Milan

AC Milan vann í kvöld sinn fyrsta sigur í tæpan mánuð í ítölsku úrvalsdeildinni er liðið lagði Roma á heimavelli, 2-1.

Jeremy Menez kom reyndar gestunum yfir strax á 3. mínútu en þeir Ronaldinho og Pato skoruðu mörk AC Milan í upphafi síðari hálfleiks. Ronaldinho lagði þar að auki upp mark Pato.

Undir lok leiksins fékk svo Massimo Amrosini að líta sína aðra áminningu í leiknum og þar með rautt.

Inter kom sér á topp deildarinnar með 5-0 útisigri á Genoa í gær. Inter er með nítján stig en Sampdoria hefði einnig getað komist upp í nítján stig í dag en liðið gerði 1-1 jafntefli við Lazio á útivelli.

Juventus og Fiorentina koma næst í 3.-4. sæti með fimmtán stig en liðin skildu jöfn í gær, 1-1.

AC Milan er í áttunda sæti deildarinnar með tólf stig.

Úrslit helgarinnar:

Juventus - Fiorentina 1-1

Genoa - Inter 0-5

Napoli - Bologna 2-1

Chievo - Bari 1-2

Parma - Siena 1-0

Udinese - Atalanta 1-3

Catania - Cagliari 2-1

Livorno - Palermo 1-2

Lazio - Sampdoria 1-1

AC Milan - Roma 2-1