Mexes: Ég verð áfram hjá Roma

Varnarmaðurinn Philippe Mexes hjá Roma er talinn vera ofarlega á óskalista Carlo Ancelotti, knattspyrnustjóra Chelsea, en leikmaðurinn segist ekki vera á förum frá Rómarfélaginu.

„Það er mikill heiður að vera orðaður við önnur félög en ég er leikmaður Roma og ætla að vera það áfram. Síðasta tímabil var líklega mitt lélegasta til þessa hjá Roma og það kemur ekki til greina að yfirgefa félagið núna. Ég vill sanna mig að nýju," segir hinn 27 ára gamli Mexes sem á enn tvö ár eftir af samningi sínum við Roma.