Dönsk eyja til sölu suður af Fjóni

Fyrir 11,5 miljónir danskra kr., eða 264 milljónir kr., er nú hægt að festa kaup á lítilli eyju, Svelmö, sem liggur við suðurströndin á Fjóni í Danmörku.

Í frétt um málið í Ekstra Bladet kemur fram að um sé að ræða helminginn af eyjunni en með í verðinu fylgi þrjár byggingar sem eru samtals 400 fm að stærð og þrír hektarar af landi..."þar sem fólk getur rúllað um og leikið Robinson Crusoe," eins og segir í blaðinu.

Eyjan liggur skammt frá Faaborg og það er ekki erfitt að komast að henni því á fjöru er hægt að ganga frá ströndinni og yfir í eyjuna.