Tuttugu Danir verða atvinnulausir á hverjum klukkutíma

Atvinnuleysi eykst nú svo hratt í Danmörku að um tuttugu Danir missa nú vinnu sína á hverjum klukkutíma eða að jafnaði einn á þriðju hverju mínútu.

Samkvæmt frétt á börsen um málið hefur danska verkalýðshreyfingin aldrei séð jafnmikið atvinnuleysi á jafnskömmum tíma og nú. Frá því í byrjun febrúar hafa 6.000 Danir misst vinnu sína.

Reiknað er með að atvinnulausum fjölgi um 3.000 manns í hverri viku eins og staðan er nú eða um 20 á klukkustund.

Bæði verkalýðsfélögin og vinnuveitendur í Danmörku gera nú kröfu til danskra stjórnvalda um að þau geri sitt til að draga úr þessari þróun og bjarga þeim störfum sem hægt er að bjarga.