Buffon orðaður við Bayern og United

Gianluigi Buffon, markvörður Juventus á Ítalíu, er nú orðaður við bæði Manchester United og Bayern München í ítölskum fjölmiðlum.

Bayern tapaði í gær fyrir Bordeaux í Meistaradeildinni í gær og sagði Uli Höness, framkvdæmarstjóri félagsins, að það myndi kaupa nýjan markvörð í sumar.

„Hans-Jörg Butt mun halda áfram til loka tímabilsins en við munum svo kaupa frábæran markvörð í sumar," sagði Höness.

United er nú að leita af eftirmanni fyrir Edwin van der Sar og hafa fjölmargir markverðir verið orðaðir við félagið, nú síðast Buffon.

Sebastien Frey hjá Fiorentina hefur einnig verið orðaður við stöðuna, sem og Þjóðverjarnir Rene Adler og Manuel Neuer sem og Igor Akinfeev, markvörður CSKA Moskvu.