Frank Williams segir að mörg lið hafi áhuga á Nico Rosberg. sem er liðsmaður Williams ásamt Kazuki Nakajima. Rosberg ákvað að vera áfram hjá Williams í fyrra, þó McLaren hefði áhuga á kappanum.
Faðir hans og umboðsmaður taldi að Rosberg væri betur borgið að þroskast og læra hjá Williams áður en hann stígi það skref að fara til einhvers af stærri liðunum.
"Það er í raun góðar fréttir fyrir okkur að Rosberg er eftirsóttur þessa dagana, en við ætlum okkur að halda honum. En það er gott að vita af áhuga annarra. Hann verður betri og betri og veit hvað hann vill", sagði Williams.
Rosberg náði fjórða sæti í tveimur síðustu mótum á Williams bílnum og hefur verið mjög fljótur á æfingum í mörgum mótum. Ekki er ólíklegt að McLaren reyni aftur að fá hann til sín, en Heikki Kovalainen hefur ekki staðið sig sérlega vel tvö síðustu ár. Kovalainen fékk einmitt sætið sem Rosberg var upphaflega boðið.
Stóru liðin sækjast eftir Nico Rosberg
