Ranieri tekinn við Roma

Claudio Ranieri var ekki atvinnulaus lengi líkt og oft áður. Hann hefur verið ráðinn þjálfari hjá Roma og tekur hann við þjálfarastöðunni af Luicano Spalletti.

Ranieri var rekinn frá Juventus undir lok síðasta tímabils. Hann er afar spenntur fyrir nýju verkefni og að koma til Rómar þar sem hann hóf knattspyrnuferil sinn.

„Á síðustu fjórum árum hefur liðið spilað frábæran fótbolta undir stjórn Spalletti. Roma, Barcelona og Arsenal eru þau lið sem spila besta fótboltann í Evrópu," sagði Ranieri drjúgur en hann ætlar sér að koma Roma aftur í fremstu röð.