Hollendingurinn Arjen Robben sló heldur betur í gegn í fyrsta leik sínum með FC Bayern í kvöld.
Bayern tók þá á móti Wolfsburg og vann öruggan 3-0 sigur. Robben kom af bekknum í leikhléi og skoraði tvö af mörkum Bayern í leiknum.
Mario Gomez skoraði fyrsta markið.
Varamannabekkur Bayern í kvöld var annars ekkert slor því þar voru ásamt Robben þeir Franck Ribery og Miroslav Klose.
Bayern er í sjöunda sæti deildarinnar eftir sigur dagsins. Bayer Leverkusen er á toppnum.
